لو فيك الصفات اللي جاية دلوقتي يبقى انته اكيد مصري
المصـري هو اللـي
لو عمل حاجه حلوه يبعت لجاره طبق يدوقه
وهو اللي لو لقى الدنيا بتشتي
يجري يخبط عليك يقولك لم الغسيل
وهو اللي لو شم عندك حاجه بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلم معاك
المصري هو اللي
لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في
مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
المصري هو اللي
يقعد معاك علي الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحيه(عشان ياخد كيس لحمه اقصد يساعدك)
المصري اللي يباركلك لما ابنك يجيب مجموع ويساعدك يجيبله شغلانه
المصري اللي ييجي يقولك تجيب كشاكيل و أقلام بالجملة عشان توفر المصاريف
طيبة المصري مش ممكن تلاقي زيها فى اي بلد تانيه(فعلا)
ها بقي طلعت مصري ولا لا
مع ان انا متاكدة ان كلنا مصريين
بس حبيت اوري اللي حاطت موضوع( يبقى انته اكيد في مصر ) ان المصريين احسن ناس و ده كلام كل الناس مش كلامي بس و برضو كلام كل الناس اللي بتحب مصر و بتحس بالانتماء اليه..............
(((((((((م____ن_____ق_______و_______ل)))))))))))))
موضوع: يبقى انته اكيد مصري!!!!!!!!!!!! 
السبت فبراير 23, 2008 9:41 am
