هل نعرف معنى الحب الحقيقي؟

بنلاحظ ناس كتير بتقعد تحب فترات طويلة و سنين طويلة .. و كل الى حواليهم بيحسوا فعلا انهم بيحبوا بعض

و لو حد ليه صديق بحب حيلاقيه مش ببطل كلام عن حبيبه .. و بيحس فعلا انه بيحبه

و فجاة بدون مقدمات يكتشف نهاية الحب ده .. و لما يحاول يسال و يفهم .. بيبقى الرد بمنتهى البساطة .. ما حصلش نصيب او متفقناش .. او اكتشفنا اننا مننفعش لبعض

يا ترى ايه السبب ؟؟

هل ممكن حد بيحب حد كل السنين دى يكتشف فجاة انه مش قادر يكمل معاه ؟؟ طب كان بيعمل ايه السنين دى كلها و ليه كان قادر يكمل ؟؟

ببساطة لان الحب مش اساسه الاهتمام و الكلام الحو

و هو كان كل الى بحبه مجرد اهتمام من الطرف الاخر و كلام حلو و معاملة حلوة

لكن مكنش فاهم الى قدامه كويس .. مش حاسس بيه كويس .. مش عارفه من جوة كويس

الحب اساسه التفاهم .. الفهم العميق للشخص الى قدامك .. تصرفاته .. ردود فعله .. تفكيره .. اراءه .. طموحاته .. اهدافه .. اسلوبه .. عيوبه و مميزاته .. اهتماماته .. احساسه بالاخرين ..

الحب المفروض يخلى الى بيحب اشطر من الدكتور النفسى فى فهم الى بيحبه .. بيبقى دارس الى بيحبه .. وده مش محتاج لوقت طويل زى ما ناس كتير بتفكر .. و لكن محتاج لحاجة واحدة بسيطة مفتقدة الايام دى

حاجة اسمها الصـــــــــراحة

و حط الف خط تحت كلمة صراحة دى .. الصراحة فى التعامل بين الطرفين هى الاساس لفهم كل واحد للتانى كويس و عن عمق

لكن اذا بدات العلاقة بالاصطناع و التخطيط لجذب الحبيب و محاولة شده اليك بالكلام المعسول و التصرفات الجميلة يبقى كده البداية خاطئة

لان استقبال الطرف الاخر لاسلوبك بيوهمه و يخليه يفكر انك ملاك .. شخص جميل و رومانسى و كلامك معسول .. و ده شىء خيالى جدا .. مفيش حد بيبقى طول الوقت كده .. و لو عرف يبقى كده يوم او اتنين او 10 مسيره حييجى فى يوم و مش حيعرف يبقى كده مهما حاول

علشان كده لازم الحب يبدا بالصراحة

التلقائية فى التعامل

لو حاسس ان عندك كلام حلو قوله .. تصرف رومانسى اعمله .. لكن متمنعش نفسك من انك تكون تلقائى فى بعض تصرفاتك و حواراتك و مناقشاتك و اسلوبك مع الطرف الاخر

متحاولش تصطنع و تكتم ارائك الى ممكن تضايق الطرف التانى .. او تحاول تكتم رد فعل او حاجة معينة انت عايز تقولها او تعملها لمجرد انك ترضى حبيبك او لخوفك انه يفهمها منك غلط او ياخد عنك فكرة غلط لانه لسة مش عارفك

لا .. سيب نفسك لطبيعتك .. افرض شخصيتك .. حتى لو فيها عيوب او مساوىء .. الشخص القوى هو الذى لا يخجل من اظهار العيوب للاخرين .. و لكن يتقبل النصيحة من الاخرين و يحاول يعرف عيوبه و يغيرها

لو حبيبك حس انك الشخص ده اكيد حيحترمك اكثر من انك تحاول تكون انسان مثالى قدامه و ترضيه

و فى نفس الوقت بيقصر الطريق لو مش حيحصل بينكم تفاهم فعلا

من الاول خالص بيقدر كل طرف يحدد هو قادر على التفاهم مع الطرف الاخر والا لا ... قادر على تحمل عيوبه والا لا ...

لكن كثرة الاصطناع و كتمان الاراء و اسلوب التفكير الفعلى بيخدع .. و حتى لو استمرت العلاقة سنة او اتنين مسيرها حتنهدم ..

الرومانسية مطلوبة .. و الكلام الحلو و الاهتمام مطلوب

و لكن المطلوب اكثر و اكثر هو الفهم العميق و الاحساس بالطرف الاخر و التاكد من قابلية مشاركته مدى الحياة و التاقلم معاه

و للاسف فى زمانا ده مش بيحصل اكتر من الكلام و الاصطناع المبالغ فيه \

بداية من محاولة خداع الحبيب بانى شخص ستايل و شيك و رقيق و كلامى حلو و ببتسم علطول و مش بهمنى الفلوس و بجيب هدايا كتير و بعزم فى اغلى الاماكن

الى الخداع فى اسلوب التفكير او الاراء او السلوك و التصرف عموما فى الحياة

للاسف الناس بتخجل من الاعتراف يعيوبها و بتحاول تخبيها

يمكن ده ميضرش الصديق او الزميل او شريك العمل بالعكس ممكن ينفعه

لكن بيضر شخص واحد .. الحبيب .. لان الحبيب مشارك ليك فى حياتك كلها مش فى جزء منها فقط زى اى شخص اخر

فى النهاية ... عرف نفسك زى ما انت لحبيبك و سيبه يختار

لو بحبك حيستمر

لو مش بحبك او مش متقبل حاجة فيك حيبعد من بداية العلاقة

و ده حيخلى جرحك اقل بكتيير اوى من انك تخدعه او تحاول تكسبه لاطول فترة ممكنة و فى النهاية برضه حتفقده

بس ساعتها جرحك حيبقى اقوى و مش سهل انه يلتام

ويا ريت كل الي يدخل يقول رأيه الشخصي.. وشكرا لكل الي هيرد

اولا انا بحب اششكرك على الكلام الجامد ده

وبعدين انا فهمت الموضوع ده وعملته ومبقتش اهتم بالكلام الحلو على قد ما بهتم باهتمامها بيها او تصرفاتها معايا بس بصراحة ومبخبيش على حد في اخر كلامي معايا حسيت بحاجة غريبة .......حسيت ان النهاية قربت وممكن تكون اقرب من ما انا متصور

على العموم ادينا عايشين وهنشوف الايام هتورينا ايه

كلام جميل ومعبر وعميق جدا يا كوين
اشكرك

اييييه يا عم احمد ..؟ شكلك مكتئب مالدنيا كلها..
يا عم سيبك.. الحياة بالطول بالعرض هتمشي
وعمرها ما هتقف عند حد

The Queen كتب:: اييييه يا عم احمد ..؟ شكلك مكتئب مالدنيا كلها..
يا عم سيبك.. الحياة بالطول بالعرض هتمشي
وعمرها ما هتقف عند حد

شوفي انسي كل كلمة انا قلتها فوق لان انا مش عارف انا هعمل ايه

وبعدين على راي المثل

حبتها ولا محبتهاش هية الدنيا ولازم تتعاش

وبعدين انا فهمت الموضوع ده وعملته ومبقتش اهتم بالكلام الحلو على قد ما بهتم باهتمامها بيها او تصرفاتها معايا بس بصراحة ومبخبيش على حد في اخر كلامي معايا حسيت بحاجة غريبة .......حسيت ان النهاية قربت وممكن تكون اقرب من ما انا متصور

بس فعلا باين انك متخانق معاها خناقة جامدة

حبتها ولا محبتهاش هية الدنيا ولازم تتعاش
هههههههههههههههههههههه حلوة
شكرا على الموضوع

بداية من محاولة خداع الحبيب بانى شخص ستايل و شيك و رقيق و كلامى حلو و ببتسم علطول و مش بهمنى الفلوس و بجيب هدايا كتير و بعزم فى اغلى الاماكن
ههههههههههههههههههههههههه لازم الوده معرفش تلبس وتتروق وتخرج تجمع شوية شباب وبعد ما يقعوا يعرفوا انها من الريف ههههههههههههههههه . sdffdas

مرسي يا كويين على الكلام الجامد ده

ثااااااااااانكس يا جماعة على ردودكم الجامدة