رسالة من قلب جرح نفسه..

حبى اتولد كبير وماكبرش
حبى كان عايز ايد ماتمدتش
قلبى بيبكى دموع والم
قلبى ساكنة الخوف والألم
كان نفسى اعيش معاكى
اكمل ايامى بهواكى
واقولك انتى ملاكى
وحياتى هتجمل معاكى
كان روحى فيكى وقلبى ليكى وكلى بين ايديكى
وفجأة كلة راح بقى وهم واشباح
حلم وعيشتة عمرى ماهنساة
كان نفسى يكمل
افضل عايشة وعايشلة وعايش بية
حزنى مش هيقتل حبى ليكى
حزنى مش هينسينى حبى
كنتى وهتضفلى وانتى كل حاجة فى حياتى
فضلت مستنيكى كتير ولما جيتى مشيتى بسرعة اوى
مالحقتش افرح واعوض حزن عمرى بيكى
كان حلم جميل عدى سراب
عدى ومعاة عمر وفرحة كان نفسى اعيشهم
ماحبتكيش عشان حاجة
حبيتك عشان كل حاجة
كفاية دموع ياقلبى
وافضل حب اللى كنت بتحبة
حبة منك ليك وافرح لفرحة واسهر وحدك لياليك
وحياة حبة اللى غيرك وقلبة اللى سهرك
اوعة تكرهة , اوعة تنساة
عيش منك ليك وحس بهواة
قادر يا قلبى تخاف علية وتسكنة جواك
وماتطلعوش علشان غيرة ماينفعش يعيش معاك
هتفضل حبيبتى وهتفضل اميرتك
كان مالى عينى وهيفرح سنينى
مشى وسابنى من غير ما يسمع أنينى
وحياة كل لحظة فرح بحبك
وحياة كل لحظة شوق بحبك
وحياة روحك اللى ملكتنى بحبك
يا بسمة قلبى وفرحة ايامى
بحبك وباتمنالك الخير
روحى خاصمتنى وقلبى هجرنى وراحلك
روحى رجعتلى وقلبى صالحنى ورجعلى
رجعولى من غيرك , رجعولى وانتى مش معاهم
حبك نار مش هتبقى رماد
حبك قلب بيبنض بالحياة وهيفضل عايش جوايا
اقفل احزانك عليك يا قلبى
واحفظها يا رب
فلا حافظ من مكروه سواك

دة مش شعر ولا قصيدة
وانا مش باعرف التزم بقافية او وزن
دة كلام كان جوايا بجد
طلع منى وقت الجد
احساس حسيتة و نقلتة زى ماهو
صادق صادق صادق
من غير تجميل
ياريت اعرف رايكو بصدق وصراحة
الكلام محسوس ولا لا

**********

كلام تحفه بجد. مرسي ليك

نايس
ثاااااااااااااااااااانكس

ميرسي على كلامك الجامد دا وكويس انك بداتي تخدي على لامنتدى وتشاركي فيه dgsa

دة كلام كلو احساس مش محسوس و بس
احاسيس في غاية الرقة
تسلمي عالكلام الجمييييييييييل دة