ده يا جماعة توبيك واحدة في الجامعه كاتباه في منتدى مصري بتحكي فيه عن نجومية الكنج اقروا كويس
حرام عليك يااااااااااااااعمرو
بسمعك فى كل مكان
فى البيت بسمعك
بنزل الشارع عشان أروح الكلية
وتبدأ رحلتى معاك
فى شارعنا بسمعك برضه
أمشى وأركب عشان أروح الكلية ألاقى السواق مشغل كوليكشن لعمرو
أقول صدفة
أدخل المجمع وأول ما أعدى جنب الكافتريا
ألاقيهم مشغلين أغانيك
قديم وجديد
أمشى شويه ألاقى شويه شباب وبنات مشغلين أغانيك ومتأثرين بيها جدا لدرجة انهم بيصعبوا عليا
أقول يمكن صدفة برضه
أدخل المدرج ألاقى ناس كتير مشغلين عمرو
كده مش ممكن بقى حرام عليك
الدكتور يدخل وأقول خلاص مش حاسمع عمرو
وفجأة والمحاضرة شغالة وأنا مش طايقه نفسى وعايزه أطلع منها وببص فى الساعة عشان زهقت
أسمع موبايل بيرن ويقول
مايتحكيش عليها زى الملايكة أما تشوفها
بعد المحاضرة أسلم على بقيت اصحابى ألاقيهم يا بيجيبوا فى سيرتك يا مشغلين أغنية ليك
صدفة دى برضه
أطلع بره واسيب المدرج كله
وأغير الناس اللى قاعد معاهم
وبعد ما أسلم عليهم
نبدأ نتكلم والموضوع بيكون عنك عشان هما عارفين انى ديابيه
وبعد ما نخلص نيجى نروح واحنا خارجين نسمع واحد مشغل عمرو
كده بجد حرام
احنا لازم نراعى شعور الناس اللى مش بتحب عمرو
أنا كنت فكرت أقولهم يسافروا لكن لقينا عمرو بيشغلوا أغانيه بره برضه
طيب اللى مش بيحبوا عمرو دول يروحوا فين بس
يسيبوا الأرض كلها ويروحوا زحل مثلا
وممكن هناك نلاقى كائن زحلاوى مشغل أغانيك
على فكرة الكلام ده بجد وبيحصلى كل يوم
لدرجة انى فكرت انى لو كنت مش بحب عمرو كنت عملت ايه ؟
عمرو دياب مش حيتكرر تانى
مفيش حد زيه لا فى صوته ولا شعبيته ولا ذكاءه
والدليل المرة دى مش المبيعات
الدليل هو كلامى اللى قلته واللى أنا واثقه انكم برضه حصلكم كده
موضوع: موضوع أبكى الـــ عمرو دياب ــكنج : 
الثلاثاء أبريل 01, 2008 4:24 am
