هيحطو مكان النسر أيه

أحلى صباح لأي مان ولكل النسوان

يا ريت كل واحد يقول رأيه لو جية واحد وسالك وقالك لو شالو النسر اللى فى علم مصر يحطو مكانو اية رد فعلك هيكون اية هتضحك ولا هيبقى عند اقتراح لتغيير النسر ولا هتعمل اية بالظبط كنا قعدين على القهوة كالعادة وفى برنامج شغال وعلى سبيل الدعابه اتسال السؤال دة لو شالو النسر نحط مكانه اية بصينا لبعض كلنا وانفجرنا فى الضحك بس بعد شوية سالنى واحد من اللى قاعدين جمبى وقالى على اساس انى راجل مثقف بقى وبفهم ميعرفش اللى فيها هو النسر دة حطوة لية يعنى بيرمز لاية تصدقو ان انا معرفش الاجابة بجد والله اشمعنا النسر يعنى ولما سالت ما اخدتش اجابة مفيدة فى اللى قال النسر يعنى القوة واللى قال النسر علشان السلاح الجوى لينا هو اقوى سلاح وحاجات كدة مفهمش فيها انا عايز اجابة واضحة بس مش دة سؤالى انا سؤالى لو حصل وجت حكومة وحبت تغير العلم هيشيلو النسر ويحطو مكانه اية فى ناس بيقولو هيحطو مكانه قلب وفى سهم خارج منه ويكتبه اول حرف من اسم الرئيس على راس السهم واول حرف من اسم السيدة حرمه على الطرف التانى وانا شايف والله انه هيبقى شكلو ظريف بس دة علم ينفع لعيد الحب بس انا عايز حاجة تتحط تنفع لكل المواقف نحط الهرم مثلا بس انى هرم فيهم واشمعنا الهرم لية منحطش حاجة تانية من معالمنا السياحية ولا احنا معندناش غير الهرم يعنى سبعة الاف سنة حضارة ومحلتناش غير شوية اهرامات الناس هتتريق علينا كل اللى طلبو منكم انكو تفكرو لو شلنا النسر نحط مكانه اية
نحط اية نحط اية نحط اية ايوة