يا ترى مين الغلطان؟

ديه حكاية انا شفتها على احد المنتديات وقلت اجبها عشا تقولو رايكم فيها بكل صراحة و بدون اي انحياز الامانة الامانة اوكي؟
انا هقولكم الحكاية من الاول خالص و عايزة اشوف ارائكم كلكم
يلا نبدأ:
بدأت الحكاية مع بنت و ولد مصريين ,كانت عائلاتهم أصحاب بس متعرفش ازاي البنت مكنتش تعرف الولد غير لما صادف في يوم ان اختها كانت عايزة تروح لصحبتها اللي هيه اخته ,مفهوم؟ ماشي نكمل,شافته و اعدو يكلمو بعض شوية ,المهم بعد اليوم ده عادي مفيش حاجة لحد لما جه الصيف وراح قايلها انه بيحبها ,بس الوقت ده مكنش مناسب للبنت خالص,كان قاعد معاها ابن عمتها اللي هوه كمان بيحبها ,طب تعمل ايه؟قالت للولد انها مش بتحبه عشان متزعلش ابن عمتها , وقالت في نفسها انها هتقوله بعدين بس جه بعدين و هيه خافت واترددت لحد اجازة نص السنة , وقررت تسأله اذا كان لسة بيحبها فاجابها بالنفي,زعلت شوية بس قالت من حقه , و بعدين قالت خلاص انا لازم اقله اني بحبه وراحت قايلاله ,قالها انه هوه كمان بيحبها ,المهم مضت الايام لحد ماعدا تقريبا تلات اشهر و نص , و البنت كانت في خلال التلات اشهر دول اتغيرت زي ما كان هوه عايز ,المهم جه وقالها ان مهمته دلوقتي خلصت وانه قالها انه بيحبها عشان ترضى تتغير و تبقى احسن ,طبعا بلاش اوصف حالة البنت ساعتها , و هوه كان ابليها سألها اذا كانت بعد لما يمشي او هيه تمشي هتفضل كدة بل واحسن و هيه قالت ممكن اه ,انما بعد اللي حصل رجعت تقريبا زي ماكانت تاني,هيه ماكنتش وحشة او مش كويسة بس يعني بعض تصرفاتها كانت عيالية مش مناسبه لسنها,و كانت طلبت منه انهم يفضلو اصحاب ,بس البنت مقدرتش.

دلوقتي انا عايزة اعرف مين الغلطان؟
و اذا كان هوه بيحبها؟
واذا كانت هيه مصدقاه انه بيحبها عشان احسسها ولا عشان هيه عبيطة و هبلة؟
واذا كان الولد ليه الحق انه يعمل كدة ؟
والبنت كمان؟
يا ترى انهي الاحسن:
ان البنت تتغير عشان واحد بتحبه و تكتشف انه مي بيحبها
ولا انها تتغير مع واحد بتحبه و بيحبها؟
واذا كانت تقدر في يوم من الايام انها تبقى صحبته مع العلم انها لسة مش عارفة اصلا او مش مصدقة اللي حصل ؟
وهل كون ان البنت كل لما تشوفه تشوف اول انسان حبته مش صاحبها ده صح ولا غلط؟
وازاي يكون شعور الولد لما يعرف اللي البنت فيه؟

اتمنى اشوف ارائكم كلكم و بكل صراحة
وانكم تحطو نفسكم مكان البنت ومكان الولد و على اساس كدة تودي الاراء

انا كمان رايي زي رايك بس فعلا هوه ليه عيشها في وهم
بس انا يا احمد بتهيألي بتهيألي يعني انه بيحبها و كمان زي ما هي قالت فوق هيه مسدقة انه بيحبها وانا اتاكدت من ده لما هيه قالت كدة

موضوع جامد يا سكاي

هوة ممكن يكون بيحبها زي اخته بس بيحبها حب معتقدش انها هتتكرر تاني


ده رايي

انا لاحظت في اخر الحكاية ان الادوار اتقلبت و الله لسة ملاحظة يعني الاول هيه كانت مفركة انها بتحبه زي اختها و بعدين دلوقتي العكس .
يلا يعيشوا و ياخدو غيرها

معك حق يا أحمد

وانا معك برأيك انو الاتنين غلطانين

وثااااااااااااااااانكس على القصة المعقدة
هههههههه

بس هيه ضحت بحجات كتير زي موجود فوق انما بتهيألي ان هوه مضحاش بحجات كتير زيها انا مش هقول مضحاش خالص بس هيه ضحت اكتر .
بس هيه الغبية ما يزعل ابن عمتها ولا يتفلق بس اللي محيرني هيه ليه خافت سعتها لابن عمتها يزعل و لا كانت واخداها حجة عشان متقولش الحقيقة؟ ها ردي يا سكاي

بجد بجد حاجة تاخبط
بس حسب الي فهمتو انا رأيي ان الغلط الاكبر عالولد
لأنو ما كانش المفروض يخدعها بالطريقة دي..هم الاول طالما فركش وهيبقو اخوات
هتتغير طالما هي بتحترم رأيو وبتثق فيه
يعني مالاخر الاتنين غلطانين

همسـ@ أمل :
بس هيه ضحت بحجات كتير زي موجود فوق انما بتهيألي ان هوه مضحاش بحجات كتير زيها انا مش هقول مضحاش خالص بس هيه ضحت اكتر .

مين الي قالك مع انه مش مكتوب فوق !!!!!!!!!!!!!!!!!!!!!

لأ مكتوب , ضحت بانسان بيحبها وده اكتر حاجة صعبة و ضحت بكرامتها لما اتنازلت و قالت انها بتحبه
ها؟

هههههههههههههه ضحت بكرامتها عشان قالت بتحبه .... يبأه لسه مفهمتش معنى الحب

وضحت باللي بيحبها وهية مبتحبوش اساسا يبقى ضحت ازاي

انتوا البنات كده لازم تتحيزوا لبعض

انا مش اصدي ضحت بكرامتها عشان قالت انها بتحبه لأ لانها قالت لأنسان كان في وجهة نظر البعض مش بيحبها

اه بس
يا ترى انهي الاحسن:
ان البنت تتغير عشان واحد بتحبه و تكتشف انه مش بيحبها و يجرحها؟
ولا انها تتغير مع واحد بتحبه و بيحبها ؟

لأ تفرق!!!!!!!!!!!!!
و كمان انته لو مكانها كنت هتعمل ايه؟ ولا انته اصلا انانيين كدة علطول مش بتفكرو في غير اللي يرضيكو و خلاص؟
انا اول مرة اتنرفز كدة بصراحة يعني
انتو اللي يدخل معاكو في مشكلة ميخرجش منها ربنا يسامحك يا سكاي

يا سلام؟
بس الجواب هيبقى تفرق و نص!

ممكن تكوني انتي شايفة كده بس غيرك شايف العكس

وبعدين حتى لو كانت تفرق ما خلاص حكاية وخلصت


بس انا شايف اساسا انه مكنش في امل في تغير كل عيوبها وبالذات في طريقة التعامل

الا هية فين صحبة الموضوع هية عملته وخلعت؟؟

هههههههههههههههههههههههههه
ههههههههههههههههههههههههه
انتو واجعين دماغكو اوي كدة ليه..؟؟؟

لأ ظروف مخلتهاش تدخل
بس اريب ان شاء الله هتدخل
مش وجع دماغ و لاحاجة
بس تعرف يا احمد لو كان هوه محسسها انه بيحبها كان ممكن انه يغيرها بس مش كل الولاد بيعرفو يمثلو!!

لو حبته عشان تنسى التاني هتبقى بتظلمه!!!!!!!!!!!!