(صحابكو اه واحنا لأ)؟؟؟!!!!

أهالينا : ( أصحابكوا آه واحنا لأ ليه ؟ )

كام مرة سمعنا كلام من الأهل زى

( أنت ليه بتحكى لصاحبتك ومابتحكيليش ؟ )

( هى هتخاف عليكى أكتر منى ؟ )

( ولا هتنصحك زى ماهنصحك أنا ؟ )

وكلام من ده كتير

وطبعا الاعتقاد السائد ان الصاحبه او الصديقه هتطاوع البنت

على الغلط وكذلك الشباب وان الأصحاب ليس لديهم خبرة

كبيرة ممكن يقدموها وعشان كده

( ممكن يودوا فى داهيه )

ودينى لأقطع عنك المصروف .........

لكن صحيح ..... ليه لما بنبقى فى ورطة بنحكى لأصحابنا

ومابنحكيش لأهالينا ؟؟

مش عشان هما هيطاوعونا على الغلط ولا حاجة ، بالعكس

فى أصحاب بيكون نقدهم أقسى من الأهل ونصيحتهم بتوعينا

وتفهمنا حقيقة حاجات احنا ممكن مش شايفنها

لكن الفرق إن مبدأ العقاب عند أصحابنا مش موجود

يعنى لا هيقطعوا عننا المصروف ولا هيمنعونا نخرج ولو حتى

لآخر الشارع ، ولا هيفضلوا لاويين بوزهم لاخر الشهر لحد

ما يحنوا علينا ويكلمونا وإذا حصل بيكون كلامهم كله تأنيب

وقلة قيمة .

ييجوا الأهل يقولوا مفيش أصحاب كده ، وكلهم مخهم فاضى

و تافهيين ، ويحكموا عليهم من قبل حتى ما يشوفوهم والبنت

أو الولد ياعينى بيبقوا مش عارفين يصدقوا أهاليهم اللى أكيد

خايفين عليهم ولا يصدقوا احساسهم

اوعى صاحبك .........

ومن ناحيه تانيه برده فيه أصحاب فى الضياع من عينة

خد السيجاره دى وابقى ادعيلى

أو

ماتقابليه يعنى هتخسرى إيه ؟

أو

دى حتة ورقة عرفى مش أحسن ما تعملوا حاجة حرام وأهو

اسمك مراته ....

إلخ ....إلخ

لو خايفين على أولادكم بجد ماتقطعوش عليهم الصداقة ،

اختاروا ليهم أصحابهم ، وإن زنقت قوى عليكم خليكم أنتم

أصحابهم ومش كل موقف محتاج لعقاب يعنى

أنا مش بقول الكلام ده لآبائنا وأمهاتنا بيتهيألى خلاص مش

ينفع يغيروا حاجه عاشوا عليها عمرهم كله

أنا بقول الكلام ده لينا احنا اللى هنكون ( اب وام ) بكره

فى المستقبل ويارب نتعلم ومنطلعش عقدنا وكلاكيعنا على

ولادنا

مع تحياتي
بنــ سكر ـوتة

ماتقابليه يعنى هتخسرى إيه ؟
انا ديه اتقالتلي بس مع تغيير كلمة قابليه بقت سلمي عليه و لا ايه؟ ههههههههههههههههههههههه او ماخد رقم التليفون هيحصل ايه يعني ؟ هههههههههههههههههههه
والله انا عارفة اني اللب بتكلم عليهم دول مفيش زيهم و لا احسن منهم و الله بس سعات في ناس بتطاوعنا على الغلط و همه نفسهم اللي بيخرجونا منه

لكن صحيح ..... ليه لما بنبقى فى ورطة بنحكى لأصحابنا

ومابنحكيش لأهالينا ؟؟
عشان سعات بنستريح لاصحابنا اكتر و سعات بتكون الورطة مع اهالينا
ارجو مكنش طولت بس ديه الحقيقة فعلا

موضوع جامد والله يا بنت بسكوته وفعلا انا مثلا مقدرش اتكلم في مشكله غير مع اصحابي وسعات مع ماما بس قليل اوي .

كلامك كله صح وعشان كده انا مصاحب امي وبحكلها على حجات كتير

بس طبعا بحكي لصحابي اكتر

عشان امي بخاف على زعل امي

بس امي عمرها ما قالتلي خد اعمل دماغ .. بس اصحابي كتييييييييييير