تامرحسني إنسان وفنان سيئ....

السلام عليكم ورحمة الله وبركاته
عارفة ان العنوان صعب بس ده طبعا مش كلامى
ده كلام كل اعداء تامر
المهم
محدش اخد باله من حاجة مهمة
نقاد تامر مش شايفين حاجة حلوة خالص فيه
لا فى اغانيه ولا افلامه ولا كلبياته ولا حتى كأنسان
طيب هو معقول يكون فى انسان مفهوش ولا ميزة واحدة
معقولة واحد بيكتب اغانى وافلام ويلحن ويغنى ويمثل كل ده مش شايفين فيه حاجة كويسة
يعنى اللى تامر بيعمله محدش غيره خاااااااالص بيعمله
طيب ما تيجى نشرح الكلام ده شوية ونبين وجهة نظرهم ووجهة نظرنا
1- افلامه:
حالة حب : محدش قال لا حلو ولا وحش رغم انه اخد جايزة وكان اول فرصة تمثيل لتامر
سيد العاطفى : قالوا مش فيلم اساسا دى مواقف متجمعة مع بعض , طيب تامر نفسه فى شبابيك قال فعلا هو مجموعة مواقف والفيلم كان القصد منه الجماهيرية والانتشار
عمر وسلمى : قصة مكررة من زمان , طيب ما هى نجحت وعملت اعلى الايرادات
كابتن هيما: حتى الفيلم الدرامى الاجتماعى كمان مش عاجبهم , وبيقولوا قصة مستهلكة وقديمة

خلصوا هما بقه نقد فى قصة الريس عمر حرب وهى فوضى وحين ميسرة وكامب وليله البيبى دول عشان يتفرغوا تماما لتامر وافلامه
لو اتكلمنا عن واحد زى احمد السقا مثلا عمل كام فيلم كانوا عاديين وقصص مش جديدة لحد ما وصل وبقى الفنان اللى كلنا بنحترمه وزيه كتير
طيب ما هو افلام كتير القصة مكررة لكن اسلوب المؤلف وكاتب الحوار والممثلين ممكن يفرقوا ويعملوا حاجة جديدة
والمشاهد اللى اعترضوا عليها فى عمر وسلمى انا معاهم اه بس مش بالعنف ده يعنى مكنش فى مشاهد بوس ولا عرى فاضح زى ما حاصل فى افلام لاسامى كبيرة زى عادل امام ونور الشريف وفاروق الفيشاوى

2- البومات تامر
فرى ميكس : محدش علق بالحلو او الوحش كانوا فاكرين ان تامر مش هيكمل تقريبا
حب: قالوا ايه حرقة دم دى , ده كلام يتقال فى اغنية , نسيوا تماما اغنية زى اوصفهالك وحب والوحدة بتقتلنى
عينيا بتحبك:يعنى ايه اطلع من دول وانت اللى عملتى قلق وايه تصوير اغنية انا ولا عارف الغريب دة
برضه تجاهلوا تماما ابداع تامر فى بعيش وعينيا بتحبك وفاتت علينا وميحرمنيش منك
يا بنت الايه: هو هيشتم ولا ايه واغنية اعتذرى فيها ايحاءات مخجلة , طيب مسمعوش الله يباركلى فيك وارجعلى وعرفت اللى فيها
الالبوم الدينى : كويس بس كله بيحكى عن حياة تامر الشخصية ومش كل الاغانى مستواها حلو, محدش قدر ان دى اول تجربة لتامر فى المجال ده ولا ان الالبوم كله الحانه وكلماته ولا ان ده اول البوم دينى ينجح النجاح ده والكل يسمعه ويحبه اوى كده
قرب كمان:كله كلمات والحان تامر ليه فاكر نفسه مين , والالبوم مش بمستوى اللى فاتوا ,سمعتوا الالبوم كويس الاول روح قلبى وقرب كمان وافتكرلى وبعيد عن عينى وايام زمان واصعب احساس كل ده مش ابداع, انسان عنده موهبه يدفنها عشان خاطركم يعنى

3- طريقه لبسه:
فاتح القميص طول الوقت ومعجب بشعر صدره ومسقط البنطلون ده مينفعش يكون قدوة ولا حد محترم
طيب لما حماقى صور ياانا يا انت وكان فاتح القميص محدش اتكلم ليه
محمد منير اغلب كليباته الاخيرة القميص مقفول بزرار واحد او اتنين محدش بيتكلم ليه
لما عمرو دياب فى بوستر ليه مكنش لابس قميص اساسا محدش اتكلم ولا علق ليه
البنطلونات دى موضة العالم العربى كله لابسها , تامر بالذات تاعبكم ليه
حسين فهمى فى كل افلامه كان فاتح القميص او مش لابسه اساسا
بالنسبة بقه لشعر صدره (سورى) دى خلقه ربنا مش هو كمان اللى عامل الموضوع ده
مش ده الموضوع المهم جدا اللى يخلينا نسيب كل حاجة ونتكلم على شعر الصدر , ده كلام ناس فاضيين

4- تامر كأنسان:

مسهوك ومثبت اللى حواليه وعامل فيها ملاك وطيب طول الوقت ومجمع البنات حواليه فى كل مكان
تامر انسان طيب والتجربة اللى مر بيها اثرت فيه جدا وبقى حساس وطيب ومتواضع وحزين
مش سهوكة دى تجربة انسان ولازم نحترمها وهو مش مثبتنا كل اللى اتعامل معاه فى حياته العادية اكد انه انسان متواضع جدا واجمل من الفنان اللى بنشوفه على الشاشة كمان
مش هو اللى بيجمع البنات , البنات هما اللى مش بيفكروا قبل ما يعبروا عن حبهم , هو ذنبه ايه
ومش ملاك كل انسان لازم يغلط لان دى الطبيعة اللى اتخلقنا بيها , بس مش لازم مع كل غلط نعمل فرح ونعزم الناس عشان يتفرجوا ولا ايه
5- معجبين تامر

مراهقين ومعقدين وتافهين ومأجورين , كلام ايه يوزن ميه ميه
طيب محدش لاحظ انهم اغلب كلامهم على اللافرز وبس
امال محدش بيتكلم عن تامر اكاديمى ولا تامر فان ولا تامر حسنى ولا تامر كلوب
اشمعنى احنا اللى خنقينهم اوى , عشان تامر مهتم بينا
عشان احنا انشط موقع لتامر , عشان بجد واقفين معاه ووراه
احنا مش مراهقين احنا فينا الكبير والصغير والمسلم والمسيحى
الدكتور والمهندس وثانوية عامة وفينا ناس جامدة اوى زى استاذ نبيل معتوق
مأجورين : يعنى كل اول شهر تامر بيجمع كل الفان اللى فى كل المواقع ادام الفيلا ويدى كل واحد اللى فيه النصيب
بيدعوا انهم نص مليون بس هما 10 بس: لا احنا مش 10 احنا اساسا شخص واحد بيشتغل نفسه طول النهار والليل ويعمل توبيكات ويسجل بأسامى تانية ويدخل يرد على نفسه
ده كلام , حد منهم جرب يدخل ويشوف احنا بنفكر ازاى ولا بنعمل ايه
حد شافنا واحنا ماسكين فى بعض وهاتك يا ضرب على اغنية ولا كليب مختلفين عليه
يعنى مش بنسقف وبرافو يا تامر وخلاص
طولت عليكم بس كده تحليل لكل النقد على تامر
قولولى انتو بقه فاضل ايه ولا حاجة , تامر فى نظرهم انسان بلا اى ميزة
محدش حاول ينقد بطريقة بناءة يمكن يفيد تامر لا كله بيضرب وبس
مش عاجبهم اى حاجة من تامر اساسا, طيب ليه كل ده
ليه كل الحرب دى , كل ده عشان فى حاله وناجح وموهوب
هو ده تشجيع المواهب ولا دفنها

عموما كفايه علينا رأى الكاتب والمفكر انيس منصور اللى قال ان تامر هو حليم التانى
ورأى الاعلامى الجامد جدا محمود سعد ان تامر ظاهرة تستحق الدراسة
يا تامر ركز فى شغلك وسيبك , اللى عايز يفيدك هينصحك مش هيدورلك على غلطة
اما عننا فاحنا معاك , ولا اى كلام هيأثر فينا لأننا مش تافهين احنا ناس بتفهم بنشوف ونسمع ونحلل
وواثقين فيك وعارفين بتعمل ايه
وسمعنى سلام خلى السلاح صاحى

MID NIGHT POISON كتب:: عموما كفايه علينا رأى الكاتب والمفكر انيس منصور اللى قال ان تامر هو حليم التانى
ورأى الاعلامى الجامد جدا محمود سعد ان تامر ظاهرة تستحق الدراسة
يا تامر ركز فى شغلك وسيبك , اللى عايز يفيدك هينصحك مش هيدورلك على غلطة
اما عننا فاحنا معاك , ولا اى كلام هيأثر فينا لأننا مش تافهين احنا ناس بتفهم بنشوف ونسمع ونحلل
وواثقين فيك وعارفين بتعمل ايه

انا معاكي في كل الكلام اللي قلتيه
ميرسي اوي على التوبيك

أنا بصراحة لغايت دلوقتي مش فهمة إنت بتحبي تامر ولا لأ ؟؟؟؟؟؟

ADMIN عدد الرسائل : 147 تاريخ التسجيل : 20/01/2008

طبعا انا بحب تامر ومقدرش اقول اي حاجه عليه
دا كفايه اغانيه اللي بتوصل لقلووووب الناس كلها

MIDO كتب:: طبعا انا بحب تامر ومقدرش اقول اي حاجه عليه
دا كفايه اغانيه اللي بتوصل لقلووووب الناس كلها

هيه بتاسال ميد نايت مش بتسالك عشان انته اصلا مدخلتش!!!!!!!!!!!!!

tweety كتب:: أنا بصراحة لغايت دلوقتي مش فهمة إنت بتحبي تامر ولا لأ ؟؟؟؟؟؟

انا معا تامر لأنه فنان يستحق كل التقدير و الاحترام
ومرسي لكل اللي رد

ADMIN عدد الرسائل : 147 تاريخ التسجيل : 20/01/2008

ازاي يعني مدخلتش يا همسه

وبعدين انا مش برد عليها

انا بس كنت بقول رايي مش اكتر

تامر حسني بجد نجم جاااامد وعمل جمهور جبااااااااار

بس الحقيقه فعلا ان اكتر جمهور تامر شوية بنات تافهة من اياهم dfgtesa