يوميات عيله صايمه بس صايعه

يوميات الواد رمضان والأسرة الكريمه الجزء الأول " متجدد إن شاء الله"
سلوووو صيامكم

هاااااااااااااااااااااااااااااااااااااااوم
كان صوت بلاعه بشريه بتتاوب ..... صحى رمضان فى اول يوم من رمضان فى غاية الكسل وشغال يتاوب ويتمتع لمدة نص ساعه
وقف قصاد المرايه يهرش فى شعره زى الجربانين يتفقد ملامح وجهه الى عاوزه تتنقع فى مايه وكلور
راح خرج من الاوضه على المطبخ عشان يسال مامته ويقولها " هاااااااااوم هو المدفع هيضرب امتى يماما " ويحسس على بتنه الى بتفكر دايما فى الاكل
ردت مامته وهى غاضبه " مدفع ايه ياضنيا .... قول صباح الخير الاول كتكم نيله .... اوعى .... اوعى يا واد من وشي خلينى افتح علبة السمنه "
رمضان " ده ايه ده سمنة ايه بس ياما .... " سابته امه ولبست عبايتها والترحه واخدت شنطة الخضار الفاضيه ونزلت السوق جري وراها رمضان وبردو من غير مايغسل وشه " خدى هنا يا وليه المدفع هيضرب امتى .... ياماااااااااااااااا "
رزع رمضان الباب ودخل يدور ع النتيجه عشان يشوف امساكية رمضان والمدفع هيضرب امتى
" ايه البيت المعفن ده .... عايشين من غير نتيجه حاجه تقرف "
دخل شعبان الصغنن على اخوه فى المطبخ وهو بيدور ع النتيجه " بتعمل ايه يا لمضان ... بتدول ع اكل يا تفس ... مش قادل تصوم "
رمضان " اخرص ياض وانت واكل لسانك كده .... انا بدور ع النتيجه مش ع اكل .... متعرفش المدفع بيضرب امتى ؟ "
شعبان " متعلفش انت فين ليموت التلفزيون ؟؟ "
رمضان " امشي ياض من قدامى هتعوج لسانى "
صحيت بثينه ع الحمام منطلقه غير اخوها رمضان خالص
بعد شويه دخلت المطبخ عشان تسال مامتها ع حاجه " ايه ده هى فين ماما ... بتعمل ايه يارمضان فى المطبخ "
رمضان " يوووووووه مش بعمل .... بدور ع النتيجه "
بثينه " اه قولتلى ... بس بابا مجبش نتيجه السنه دى عشان ماما متسالهوش عن المرتب كل شهر ؟ "
رمضان " تيب متعرفيش المدفع هيضرب امتى ؟؟ "
بثينه " تبعا اعرف ... هيضرب لما اذان المغرب يادن ؟؟ "
رمضان اتغاظ من سخفتها وجرى وراها عشان يضربها
ندخل ع شعبان غرفة الجلوس .... نلاقيه بيدور على ريموت التلفزيون وقلب الاوضه راسا على عقب ومبقلهاش ملامح
نروح لرمضان وبثينه نلاقيهم بيضربوا فى بعض ( بيسلوا صيامهم )
رمضان " انتى حماره " بثينه " الله يسامحك .... اللهم انى صائمه "
رمضان " كدابه .... افتحى بوءك كده ... عشان اتاكد " فتحت بثينه بؤها راح رمى رمضان فى بؤها قشرة لب
صرخت بثينه " يا جبان .... فطرتنى .... يا ماماااااااااااااااااااااااا ..... عاااااااااااااا ..... يا اباباااااااااااااااااا
فى نفس الوقت وفى هذه المهزله نروح للحجه مرزوقه وهى فى السوق بتتسوق وتشترى الخضار ومتلعه عين اهل البياعين
مرزوقه : بكام ياخويا الاوته ؟؟؟؟ البياع : الله يسهلك ياحجه مافيش حاجه ببعها اسمها كده
مرزوقه : ده ايه ده ياخواتى ...... سلامة الشوف يا معلم .... اومال دى ايه .... ادخلها فى حباب عنيك عشان تشوفها
البياع : اما انتى وليه جليلة الادب مرزوقه : هيهيهييييييييييييييييي .... جليله دى تبقا مين ياضنيا .... قصدك ايه بجليله ياخويا
نزل المعلم من على فرشته وسحب الشومه فى ايده .... وطاخ على راسها وقالها ... اللهم انى صائم
صوتت النسوان لما لقوا الست مرزوقه اضربت .... لكن ع مين الست مرزوقه حديد وتاكول الظلت ولا اتاثرت بالضربه
مرزوقه : انت بتضربنى يا جيعر ... يالى نص وشك شنب
معلم تانى بيهدى النفوس " خلاص يا حاده ( حاجه ) اقصري الشر وروحى لحالك .... رمضان كريم يا حاده
مرزوقه " حاااااااااااده ... ده ايه ياربي ده ... واستقصرت مرزوقه الشر ولمت عفاريتها قصدى حاجاتها ومشيت وراحت تشترى من بياع تانى
نعود بقا للبيت
نلاقى رمضان ماسك فى شعر اخته " بقا انتى تمدى ايدك ع افايا .... انا هعلمك تمدى ايدك ع افايا "
شعبان بيهدى النفوس " يالهوى يا لمضان هى ضلبتك ع افاك ... ومصيبتاه "
بثينه " اااااااااااااه شعرى يا عبيط هيتلع فى ايدك
دخلت الام فى هذه اللحظه الى البيت وهى محمله شنطة الخضار على راسها والخبطه معلمة فى قورتها
مرزوقه : يالهوووووووووووى ... يارب ارحمنى ... اصتبحوا ع الصبح بدل ماخلى نهاركم مايتلعلهوش شمس
شعبان : مخلاص ياماما الشمس تلعت انتى لسه فاكله
بثينه : ابنك فطرنى يماما .... قالى افتحى بؤك ورمى قشرة لبه
مرزوقه سحبت الشبشب من رجلها وجريت ورا رمضان عشان تضربه بس هو قفل باب الاوضه عليه ونفد
مرزوقه : يعنى هتروح منى فين يا طويل يا اهبل
بثينه : يعنى انا كده فطرت يماما
مرزوقه : لاء يا حبيبتى مفطرتيش .. ده غصب عنك .... تعالى بس نضفى معايا البط وبعدين قطفى الملوخيه ونقي الرز و .... الخ
بثينه وهى مصدومه من كمية الطلبات الى طلبتها منها امها " يؤ يؤ يؤ ايه ده كله يماما .... انا هعمل ده كله لواحدى
مرزوقه : ان كان عاجبك يا روح امك ... هتعمليه ورجلك فوق رقبتك
دخل شعبان بعد مالقى اخيرا ريموت التلفزيون " ماما .... ماما .......... هو ينفع اتفلج على ميلوتى وانا صايم
مرزوقه : لا يا حبيبي .... حرام
شعبان : حلام ليه يماما ؟؟ مرزوقه : يارب ارحمنى .... حرام يا حبيبي عشان المزز الى بيجوبها ومش يصح تشوفها وانت صايم
شعبان : اااااااااااااااااه .... تيب حلام اشوف المزز ليه يماما .... هو انا هاكولهم
مرزوقه وقد اتعصبت خالص من اسئلة ابنها الفضولى : ولاه بص .... هى مش نقصاك على الصبح ... هعد لحد تلاته الاقيك اختفيت من قدامى "
وفعلا اختفى شعبان من قدامها
واندمجت مرزوقه فى اكتشاف السمنه اذا كانت مرمله ولا لاء
الى اللقاء فى الجزء الثانى من اليوميه

يوميات الواد رمضان والأسرة الكريمه الجزء الثاني " متجدد إن شاء الله"
سلوووو صيامكم

قبل الفطار ومابعد الفطار مع شعبان ورمضان والحجه مرزوقه والحج كريم كرمله وبنتهم الاموره بثينه
ونعود لشعبان وهو قاعد قدام التلفزيون حزين بيبص للتلفزيون شويه وللريموت شويه والشيطان شغال يزن عليه " هات ميلودى ياشعبولا هات ميلودى "
شعبان رد على الشيطان فى سره تبعا " لاء ياشرشر ميلوتى مليانه مزز دلوقتى وممكن افطل وماما ولبنا هيزعلوا منى "
دخلت بثينه عليه وتنضيف الوز باين على خلقتها " انت ياض انزل هات كيس بريل من ابو نص جنيه بتاع التوفير عشان اغسل المواعين كتكم الهم مش عارفه ليه البنات تغسل والولاد يتفرجو على ميلودى "
حكمة لبنا يا بت هنعمل ايه
**************************
ندخل بقا على رمضان اوضته نلاقى الشيطان شاطر معاه بدرجة جيد جدا مع مرتبة الشرف
رمضان بيرن على مزته وبنت خالته فتحيه
موبايل باكينام بنت الحجه فتحيه رد وقال عفوا هذا الرقم ربما يكون صائما ارجو اعادة الاتصال بعد الفطار
احمر رمضان من الغيظ وقال : ردى يابت بدل مافطرك
باكى : عاوز ايه يارمضان مش قولتلك ممنوع الكلام واحنا صايمين
رمضان : اه اصلك وحشتينى
باكى : اصلك ولا بلاستيك اخلص وبطل سهوكه .... اللهم انى صائمه
رمضان : كده .... طيب غورى بقا
باكى : مممممممم طيب نتكلم بعد الفطار ... اشته
رمضان : طيب اشته
باكى : شالوم
رمضان : مع الشالوم ياموهجة قلبي
باكى : ماشي ياتهمة قلبي
***************************
فى اوضة بثينه
زوغت من المطبخ وسابت امها مندمجه فى فتح علبة السمنه وعملية الاكتشاف ان كانت بلدى ومرمله ولا لاء
وواقفه يثينه قدام المرايا تغنى وهى بتدعك صوباع الروج على شفايفها
" بوسى يا بوسي يا اموره بكره تكبري وتبقى عروسه وتقعدى فى الكوشه جمب عريسك ويديك بوسه بوسه بوسه ياعين ياعين ااااااااه ياعين بوسه بوووووووسه "
دخل عليها رمضان : نهارك اسود ياضايعه بتهببى ايه وتبوسي مين يامنيله على عينك
اتخضت بثينه : رمضان ... مش ببوس حد ... ده هو الى هيبوسنى
رمضان : نهارك اسود .... هو مين انطقى
بثينه : عريسي
رمضان : وبتعترفى انك اتجوزتى للدرجه دى
بثينه : انت اهبل وعبيط ويلا امشي من قدامى
رمضان : انتى هتظيطى يابت
واخدها من شعرها على الحجه مرزوقه
رمضان : بنت ضاعت خلاص ياما ومحدش هيعرف يلمها
مرزوقه : ينيلك يابت ايه الى انتى مهبباه ده فى خلقتك
شعبان : ولينى كده يا بوسي انتى وقعتى فى علبة صلصله ولا ايه
بثينه : يووووووووه محدش له دعوه انا حره
شعبان : بتقولك حله ......... ههههههههههه حله من غير غطا
مرزوقه : اتلم ياض منك ليه ليها انجروا من قدامى خلونى اخلص الاكل
رمضان : المدفع هيضرب امتى ياماى
مرزوقه : امش ياتفسه يابن التفسه من هنا ..... خلونى احمر البط
شعبان : بس انا عاوز وز ياماما .... وز يا وزو
مرزوقه : يا ابو رمضان تعالى حوش العيال دى من قدامى بدل ماتسمعوا فى الجرايد عن ام اكلت عيالها
************************************
قبل الفطار بخمس دقايق
قاعدين على السفره متنحين للاكل
رمضان محضر ازازة المايه وماسكها فى ايده وبثينه وماسكه ازازة المايه ومسكاها فى ايدها وشعبان محضر اول معلقة رز واول دفعه هيدلقها فى خشمه
ومرزوقه شغاله تشم فى الاكل ان كانت رحته سمنه بلدى ولا لاء والحج كريم شغال يقلب فى محطات التلفزيون يمكن محطه تغلط وتادن بدرى
مدفع الافطار اهجم
وضرب مدفع الافطار وازايز المايه اتشفطت ونزلوا على الاكل حتتك بتتك
واطمنت مرزوقه على ان السمنه بلدى وحرشه
وقد اطمئنت معدة رمضان و قد انتعشت بثينه لما شربت السد العالى كله
لكن شعبان فجاه نتش الريموت من ايد ابوه وحول على ميلوتى افلام
رمضان : لاء انا عاوز تامر وشوقيه
بثينه : لاء مسلسل يسرا
مرزوقه : اهدى ياض منك ليه ليها
شعبان : هى ميلوتى مافيش غيرها
الحج كريم : هى بكار الى هتشتغل وعلى الله اسمع حس واحد فيكم


الى اللقاء في يوميه جديده من يوميات شاب صايع